SAC Ralkap Pawl Hriam A Cawkpiaktu ခရိုနီ Pakhat An Kah I A Thi
The Chinland Post | 2023 October 3 — SAC kuttang Military of Defense min hmang in SAC ralkap pawl hriam a cawkpiak tawn tu ခရိုနီ U Nyian Lwin Aung cu kan kah i a thi tiah Urban Owls nih an thanh.
October 2 zaan sml 10:00pm hrawng ah U Nyian Lwin Aung cu Yangon ramṭhen Lanmadaw peng ah a naih tein an kah i hi a si.
U Nyian Lwin Aung hi ralkap chung ahcun Ko Nyian tiah mi tampi nih an theih mi a si i SAC kuttang Ministry of Defense min in hriam pawl a cawk lengmang i Ramchung lei Ministry he fonh in mipi pawl hrem ding in Facial Recongnition aa tel mi CCTV zong a ramchung a rak luhtertu a si.
Urban Owls nih an khehhlai i an hmuh mi ah U Nyain Lwin Aung hi Myanmar ramchung sipuazi leng ah, Tuluk, Thai, UAE hna zong ah sipuazi a tuah mi a si i Russia sin ah SAC palai pawl he a tlawng lengmang i Russia Ministry of Defense he zong aa naihniam mi a si tiah theih a si.
