SAC riikhiahnak ruangah bawmhnak pek a har tiah UN OCHA nih a chim

The Chinland Post | 2022 August 5 – SAC nih eidin le sii telh in adang a herhmi thilri pawl phorhnak nawl rii a khiah caah ralzaam pawl sinah bawmhnak pek ding harnak a um tiah UN OCHA nih August 3 ah a thanh.

Myanmar ram pumpi ah kahdohnak a chuah lengmang caah mipi huhimnak le bawmhnak dirhmun a zual chin tiah a thanh.

Chin ramkulh, Sagaing ramṭhen, Karen ram le Bago ramṭhen hna i kahdoh a chuahnak hmunhma pawl ah facang, a dangdang eidin le sii phorhnak nawl cu SAC nih gate kip ah rii a khiah tiah UN OCHA nih a thanh.

Rakhine ram zongah AA le SAC ralkap karlak ah kahdohnak a fak ṭhan i chaklei Rakhine ah innlo a zaamtak tharmi an um i hliamhma a tuarmi sin ah bawmhnak pek ding SAC nih rii a khiah tiah UN OCHA nih a thanh.

Myanmar ram ah ralzaam 1.2 million an um cang i hramhram in uknak lak a si hnu ah minung 42,000 deng cu a pawngkam ram ah an zaam tiah theih a si.

Na ruahning rak langhter ve.. (Leave a comment)

%d bloggers like this: