SAC Tank 2 A Hrawk Khotu CNA, CDF phu pawl NUG Nih Sing 4,000 Laksawng A Pek Hna
The Chinland Post | 2023 July 4 — Chin ramkulh ah SAC Tank 2 a rawk khotu Chin hriamtlai phu pawl NUG nih tangka sing 4,000 laksawng a pek hna.
July 4 ah an tuah mi NUG cozah a voi 22 nak cazoh pi meeting ah atu bantuk in laksawng an pek hna hi a si.
“Chin hriamtlai phufonh pawl nih SAC Tank 2 an hrawh khawh nak cu tette ṭha te he an rak langhter caah NUG cozah nih a rak thanh bantuk in Tank 1 ah sing 2,000 in 2 caah sing 4,000 cu Chin ramkulh CNF/CNA + CDFs rianngeitu pawl sin ah laksawng kan pek hna” tiah NUG nih tuni cathanh ah a langhter.
SAC Tank 2 cu a luancia April 13 ah Hakha peng, Chuncung khua pawng kahdohnak ah CDF, CNA phufonh nih an rak hrawh khawh.
“Hi bantuk thawngpang kan theih tik ah hin kan lau i kan i lawm tuk fawn, dothlennak caah thazang taktak a si” tiah NUG Prime Minister Mahn Win Khaing Than nih meeting ah a chim.
NUG caan karlak President Duwa Lashi La zong nih ” Pau dothlennak chung ah Chin ramkulh hi zalonnak caah fak pi in ral an doh kan hmuh caah lunglawmh awk ngaingai a si. Hramhram uknak a hram in hrawh khawh nak le Chin miphun zalonnak caah raltuknak kan tuahṭi khawh mi hi mipi caah thluachuah a siter tiah ka zumh” tiah a chim ve.
