SAC Vanraldohnak A Ngeihmi le Kah A Tong Mi Cheukhat
Salai Mangpau | August 5, 2023 — Khaupau dohtlennak ah SAC nih vanraldohnak ah ahman mi, helicopter 2 le jet fighter 1 cu mipi ralkap lei nih tla lak in an rak kah tiah theih a si. Cun, a dang Helicopter 1 zong rawk lak an kah a tong. Khuachung kahnak ah Hmawbi Air Base HQ (former 501 Air Base) vanlawng 2 an hrawh khawh. Mipi ralkap nih Vanlawng tla lakin an kahmi le an hrawh cang mi dihlak 6 an si cang. Mah vanraldohnak ah mipi ralkap lei hriam an hman mi cu bomb, drone, meithal ngan mi in an kah hna ti a si. Vanral kahnak rocket hriam an hman lo.
- KIA nih Mi-35 Helicopter an thlak: A voikhatnak vanlawng kahnak cu May 3, 2021 khuapau dohtlennak a hramthok ka Kachin ramkulh, Moemeik peng, Tower tung kahdohnak ah Russia ser Mi-35 cu KIA nih tlalak in an kah.
- PDF nih Hmawbi ah Yak-130 pahnih an hrawh: A voihnihnak vanlawng rawklak in an kahnak cu Hmawbi Air base ah Russia ser Yak-130 vanlawng number 1802 le 1803 an si. Cucu February 18, 2022 ah People’s Force (Yangon) nih lamhla remove control bomb in an kah.
- CNF/CDF Thantlang nih an hrawh: A voithumnak cu January, 2023 Chin ramkulh, Thantlang khua lei a rami Mi 17 thilphur Helicopter cu CDF- Thangtlang le CNA nih drone in an kahnak ah Helicopter an khen caah meikhu a chuak i, Thantlang khua ah tum kho ti loin, a hnu lei a khir than. Cun, a dang pakhat CDF nih an bawh ruang ah Hakha a zuan tawnnak lam zulh lo in, a dang in an zuan ruang ah pakhat a rak tla fawn.
- A voilinak ah Sagaing ramthen, Hommalin peng, Shwe Phi Aung khua kahnak ah Ralkap Helicopter 1 cu February 1, 2023 ah an kah khawh.
SAC fighter 1 a voikhatnak kahnak cu June 30, 2023 Karenni ram, Bawlakhe pengchungah K-8 cu tlalak in an kah khawh.
Ralhrang Nih Raltuknak Vanlawng An Ngeihmi Cu,
Russia ser Su-30= 2, Mig-29=31, Tuluk le Pakistan komh in ser mi JF-17=7, Tuluk ser A-5= 21, Tuluk le Pakistan komh in sermi vanlawng mawgh cawnnak K-8= 16, Russia ser Yak-130= 18, Tuluk ser raltuk cawnnak FTC-2000G= 6, Russia ser Helicopter Mi 17= 12, raltuknak Helicopter Mi-35= 9 an ngei.
Vanral in hmunrawn kahnak an hman bik mi ah Yak-130=18, Mig-29=31, Helicopter Mi-35= 9 an si. A dang vanlawng cu nihin ni tiang an hmang tuk lem hna lo.
Mipi Ralkap Hmailei Ruahchannak
SAC airforce nih an bochan bik mi Yak-130, Mig-29, Mi-35 tiin an dihlak 53 hrawng an tang.
Mah vanlawng pawl cu Myanmar chaklei le thlanglei kahdohnak ah an hman i, ramchung vanral kahdohnak rikhiah mi a um caah aa ralring ngai. Cun, a laibik hmunrawn kahdohnak ah Mi-35 hi biatak tein a hmanmi vanlawng 9 chungin 2 cu a tla cang i a tu 7 a tang. Cucaah, SAC raltuknak vanlawng a ngeih mi 53 cu operation a tuah peng caah remhcan le dimh can he cun operation a liam deuh ah cun a hmang kho tuk ti lo.
SAC vanral vennak a umnak hmun pawl cu,
- Air Force headquarters, Ministry of Defence (Naypyitaw)
- Aircraft Production and Repair Base Headquarters (Hmawbi)
- Air Force – Ground Training Base (Meiktila)
- Air Force – Fly Training Base (Shante)
Air Base Quarter a umnak
- Pathein Air Base
- Hmawbi Air Base (former 501 Air Base)
- Mingaladon Air Base (former 502 Air Base)
- Magway Air Base
- Myitkyina Air Base (former 503 Air Base)
- Myeik Air Base
- Namsang Air Base
- Taungoo Air Base
- Shante Air Base (Meikhtila pawng ah a ummi a si)
- Meiktila Air Base – helicopter training and operations base
- Homemalin Air Base le ramchung vanlawngtual (Airport) a umnak hmun poah ah sakhan hme bantukin an hman hna tiah theih a si.
In Picture:
About The Author
