Sagaing Ah SAC Ralkap Pawl Drone In Bom Voi 2 An Thlak Hnawh Hna, 8 An Thi
The Chinland Post | 2023 September 6 — Sagaing ramṭhen, Sagaing peng ah SAC ralkap pawl Drone in bom voi 2 an thlak hnawh hna i SAC ralkap 8 an thi tiah Red Dragon phu nih an chim tiah Khit Thit nih a langhter.
September 4 zaanlei sml 3:25pm ah thazang 30 hrawng SAC ralkap pawl nih Sagaing peng, Insa khua mipi thilri pawl an fir i PHAW mawṭaw 2 in an kalpi lio ah Drone in bom lung 2 an thlak hnawh hna i SAC ralkap 8 an thi, hliam a tuar mi zong an um tiah theih a si.
Cubantuk in September 5 chun sml 11:00pm zong ah Sagaing peng, Taungkya khua a phan mi SAC ralkap 100 leng cu Drone in bom lung 6 an thlak hnawh ṭhan hna i a thi mi an um.
Kahdohnak pawl ah Eagle Guerrilla Force, Red Dragon B01, Red Dragon Drone phu, Meiktila PDF Drone phu, Lighting Drone phu, Demo Pauk Kwae, Sa Taung Myo Kyo le Yebaw Thonkyeik hna an i bawm tiah theih a si.
