Sagaing Le Yangon Nih Mi Lutchuak Le Minung Thazaang Hrampi Vuanci Zung Thar Chap Ding In An Fehter
The Chinland Post| 2019 June 25| Sagaing ramthen le Yangon ramthen nih mi lutchuak le minung thazaang hrampi vuanci zung thar chap ding in hluttaw nih an fehter.
Hi vuanci zung thar chap ding in Myanmar rampi President U Win Myint nih ramthen le ramkulh kip ah chap ding in forhfialnak ca a kuat dih hna hnu ah atu bantuk in Sagaing ramthen hluttaw nih chap ding in June 24 hluttaw tonpumhnak ah an fehter hi a si.
Kumkhat le cheu tluk lawng a taangmi hi vuanci rian ah ahodah vuanci rianpek a si te lai timi cu a fiang rih lo. President sin ah min cazin an chuahpi hnu ah hluttaw nih vuanci rian tuan dingmi cu an fehter than te lai. Sagaing ramthen ah atu hi tlangcung miphun (ethnic) kongkau vuanci pahnih telh in vuanci zung pariatnak a um. Chin Miphun Kongkau vuanci cu Pu Lal Thawm Thang a si tiah kan theih.
Yangon ramthen zong nih mi lutchuak le minung thazaang hrampi vuanci zung thar chap ding in hluttaw nih an fehter ve cang tiah kan theih.
June 27 le 28 ah tuah dingmi Chin ramkulh hluttaw tonpumhnak ah hi vuanci zungthar chap le chap lo ding an ceihmai ve lai tiah kan theih.
Ref: DVB
About The Author
