Sagaing ramṭhen ah kahdohnak a fak, SAC ralkap a thimi an tam, inn 1,00 leng khanghpiak a si

The Chinland Post | 2022 June 2 – A luancia zarh chungah Sagaing ramṭhen Chindwin tiva thluan kam ah SAC ralkap le mipi hriamtlai phufonh hna karlak ah nifatin ngawt in kahdohnak a chuak tiah theih a si. Cu phufonh chungah Myanmar ram chaklei hawikom phu hna zong an i tel tiah Myanmar’s Royal Dragon Army Captain Naga nih RFA ah a chim.

Cu kahdohnak ahcun, mipi hriamtlai phu hna nih chanthar hriam le auto meithal pawl hman a si kha hmuh khawh a si tiah RFA nih a chim. Phufonh hna nih vawlei lak lawng si loin Chindwin tiva in Minkin lei ah a rak ṭummi SAC tinbaw 8 zong an kah. Cu kahdohnak ahcun, mipi hriamtlai phufonh lei in hliamhma a pumi an tlawm i SAC lei a thimi an tam tiah Captain Naga nih RFA ah a chim.

A dang thawngzamh pawl kan zoh a si ahcun, tuzarh chung kahdohnak ah ralkap bawi pawl telh in ralkap 1 dozen leng an thi tiah theih a si. NUG Ministry of Defense ah rian a ṭuanmi U Naing Htoo Aung nih dothlennak phu pawl teinak an hmuhmi hi an lung aa rual caah a si tiah a chim.

Kahdohnak chungah a sungmi SAC ralkap pawl cu Botalin peng le Kani peng chung inn 1,000 leng tuzarh chungah an khangh tiah Captain Naga nih a chim. Khanghpiak mi khua hna khamhnak ding caah thazang a zaatawk in kan ngeih lo caah kan lung a ṭha lo tiah Captain Naga nih a chim. U Naing Htoo Aung zong nih SAC ralkap pawl hi mipi hna nih dothlennak thazang an pek khawhnak hnga lo a tlerh hna tiah a chim.

Na ruahning rak langhter ve.. (Leave a comment)

%d bloggers like this: