June 17, 2024

Sagaing ramṭhen, Shwe Pyi Aye khua cu PDF phufonh nih an lak

0

The Chinland Post | 2023 February 2 — Sagaing ramṭhen, Homalin peng, Shwe Pyi Aye khua cu February 1 zaanlei ah PDF phufonh nih an lak khawh hnu ah February 2 tiang kahdohnak a chuak tiah Homalin PDF nih a thanh.

Shwe Pyi Aye khua hi Gen. Than Shwe chan ah General Tha Aye nih a rak dirh mi khua a si i Battalion-Homalin, HPDF-124, HPDF, HPDF-Moekyo phufonh hna nih February 1 zaanlei ah an lak khawh tiah theih a si.

“Shwe Pyi Aye zong kan lak khawh tiang kan lak cang. Tawsi khua lei zong lak khawh ding kan i zuam lio a si. Kahdohnak chung ah kanmah lei kan him rih, anmah lei in a thi mi le hliam a tuar mi an tam” tiah Homalin PDF rianngeitu nih RFA ah a chim.

SAC lei nih vawlei lei, ti lei le vanlei bawm in kahdohnak a tuah caah mipi hna nih Homalin-Phaungpin ti lam le vawlei lam kal rih lo ding in Homalin PDF nih an thanh.

About The Author

Na ruahning rak langhter ve.. (Leave a comment)