Sagaing ramkulh Khampat ah Bingrang kyat sing 396 man an tlaih

Salai Bawi Lian Sang| TCP-Kalay| October 12, 2020| Sagaingramthen Khampat peng ah ritsii tlaitu palik sin ritsii a phor tu an um tiah thawngpang pe tu an um caah mithmuh tette he palik nih an bawh hna lio ah Kalaymyo in Tamu lei a ra mi motor mawng tu  Khampat No. 3 sang um mi hna Lalchummawia@Mawia kum(42) le motor chung tel Zaihmingthanga kum (19), Yanlinaung@Maluna kum (25) citmi motor an check hna tik ah Bingrang 660 gram( tangka in kyat sing 396man) hrawng le phone (3) he October 10 ni ah an tlaih hna.

Mah bingrang he aa pehtlaimi an hlat than tik ah Khampat No. 3 sang um Daw Lalnunsangi Kum (46) cu phone (1) le Kalaymyo peng Tahan sang No. (1) um mi Daw Lalthangkimmi@Thangte Kum (43) cu Tahan bazaar pawng ah phone (1) he an tlaih chih hna. Mah ritsii tlaihnak kong he pethlai in rithaisii upadi ningin a zizut an si lai tiah thawng kan theih. Credit-CCDAC Myanmar

Na ruahning rak langhter ve.. (Leave a comment)

%d bloggers like this: