Sagaing Ramri Ah A Um Mi SNA Sakhaan KIA/PDF Nih An Lak
The Chinland Post | 2023 August 16 — KIA le PDF phufonh nih Sagaing ramṭhen chung luh khawh nak ah a biapi mi Shan National Army (SNA) sakhaan cu an lak khawh tiah theih a si.
Kachin le Sagaing ramri ah a um mi SNA Brigade 972kuttang B07 nih an tlaihnak Panchekwin sakhaan pakhat cu a luancia ni tlawmpal ah PDF le KIA phufonh nih an kan lak tiah SNA biachimnak nawl a ngeitu nih Ko Sai Se nih DVB ah a chim.
Cu sakhaan umnak hi Sagaing ramṭhen chung riahcaw chanh khawh nak caah a biapi mi hmunhma a si caah KIA le PDF thazang a za leng nih an lak hi a si.
KIA nih SAC ralkap sakhaan an lak mi a um ko nain SNA sakhaan a lak mi cu a um lo tiah KIO biachimnak nawl a ngeitu Major Naw Bu nih a chim.
KIA B27 a umnak lei ah SNA le SAC ralkap pawl an rak luh caah kahdohnak a rak um mi le Kachin le Sagaing ramri Sezin khua aa pehnak ah a um mi hri hlei ah a um mi SNA Gate lawng KIA nih a kah bal tiah a chim.
SNA lei nih cun cuka hmunhma lei ah SAC ralkap an um lo bantuk in SAC ralkap he rianṭuanṭinak zong a um lo tiah an chim ve.
KIA nih August 7 zong ah Hpakan khua ni tlaklei ah a um mi SAC Bright 33 Katai sakhaan an lak khawh i hriam tampi zong an rak lak khawh.
About The Author
