Sagaing Ramthen Ah Leikuang Ekah 70,000 Ti Nih A Phumpiak Dih Cang Hna
TCP-Thantlang| 2018 June 13| Atu lio pehtlai in ruahpi a sur caah Sagaing ramthen a bikin anhringso cinnak leikuang ekah 70,000 ti nih a phum dih cang tiah Sagaing ramthen cinthlak le zuatkhalhnak zung vuanci Pu Kam Za Mung nih a chim.
Ti nih leikuang tambik a phummi hna lakah Shwebo pengkomh Wat-lat peng hi tambik a si.
“Atu lio ahcun cinthlaknak caah hman bikmi leikuang ekah 70,000 tluk a phum cang. Hi chungah a hnorsuanmi cu ekah 60,000 tluk a si i fakpi a rawk taktak mi cu ekah 937 a si. A hnorsuan mi anhringso pawl cu ruahsur aa peh caah a that khawh thannak le an nundamnak ding a har tuk cang” tiah Pu Kam Za Mung nih a chim.
Sagaing ramthen chungah tinlianhnak achuak i Tamu khua ah minung um ngam lo in inn hnih nih an inn an chuahtak cang. Cu bantuk in hleirawk, tikhamnak lungrual ti nih a bauhmi le vawlei min tibantuk zong a um len” tiah Sagaing ramthen chanchuah tu zung Director pakhat nih a chim.
Ref: Eleven Media Group
About The Author
