Sagaing Ramthen Ah Thlichia Nih Inn 1000 Leng A Hrawh

0

TCP-Thantlang| 2018 May 11| Kawlram chung May 9 ni in thlichia a hrang i Sagaing ramthen chung lawng khua 15 ah inn 1000 leng a hrawh cang tiah theih a si.

Sagaing ramthen chung thli nih khua 15 a hrawh. Thlichia lawng si lo in tek zong a tlak kchih caah a tubantuk in inn a rawh hi a si. Thli le ruah he a sur caah hi khua 15 cu an inn 1130 tluk a hrawhpiak i hi chungah inn 15 cu vawlei nih a cimhpi hna. Mah pin ah meihri le a tung, thingkung tibantuk nih inn a nenhpiak mi hna zong an um len rih.

Hi khua 15 chungah Kanh-bilu khua kiangkap inn a rawk mi a tambik i inn 411 a rawk i inn 4 a cim. Harnak a tongmi cu bawmchantu phu hna nih a tutiang ah sing 275 tluk an hman cang i khua dang ah inn le lo a rawk mi hna zong a rauhhlan ah bawmh dingin timhtuahnak an ngei.

“Caan karlak chung ei din ding le hruk aih ding bawmhnak an pek ko han nain kum saupi nguh ding in cozah lei nih hi kong hi tuanvo lak le a hlankan runvenank an tuahpiak hna awk a si” tiah khuacaan zohthiam sang pakhat nih a chim.

Sagaing ramthen chungah a luancia April thla lio ah thli fak ngai in voi 37 tluk a rak hran caah sing 800 leng sungzatlaknak an rak tong bal. Hi thli hrannak nih inn le lo 1891 tluk inn a rak hrawh i inn 72 a rak tlau. Thli hrannak in phungki 3 zong an rak thi bal tiah theih a si.
Ref: DVB Burmese

About The Author

Na ruahning rak langhter ve.. (Leave a comment)

%d bloggers like this: