Sagaing Ramthen Chief Minister Nih Rampi Huap Calei Thiamsan Upat Conglawmhnak Roca Dr. Salai Khin Maung Thein A Pek

The Chinland Post| 2019 February 22| Dr. Salai Khin Maung Thein cu 2019 February 20 i Kalay ah tuahmi Chin Miphun Ni ah Sagaing ramthen Chief Minister U Myint Naing nih rampi huap calei thiamsan upat conglawmhnak Roca a pek tiah kan theih.

Dr. Salai Khin Maung Thein hi Fidi Foundation @The Chinland Post ah chungtel pakhat a si. Atu Kalay aumnak inn khi alakte in The Chinland Post centre ah a kan hlantu zong a si.

Doctor of Education (D.Ed) Major in Educational Management degree a lakmi ruang ah 2019 February 20 ah Sagaing ramthen Chief Minister Dr. Myint Naing le 2017, Naypyidaw ah Myanmar State Counselors Daw Aung San Suu Kyi nih conglawmh upatnak Roca an pek.

Hi bantuk conglawmhnak le Roca hi Dr. Salai Khin Maung Thein lawng in in Doctorate in sianginn a dihmi paoh an pek cio hna tiah kan theih.

 Dr. Salai Khin Maung Thein a konglam tawi

Salai Khin Maung Thein cu Kalaymyo peng ah a chuak i a pa Pu Ral Ceu (Lawngtlang) le a nu Pi Par Tial (Ngalang) hna i an fapa 2 lakah fapa hniang a si. March 1999 kum ah Kalaymyo University in B.A (Geography) a dih.

University of Yangon in 2004 kum March thla ah M.A (Geography) degree a la. Cu hnu ah MATS. Master of Arts in Theological Studies cu Philippine Christian University (PCU) 2015 kum ah a dih. MATS kai pah in 2013 kum in Cavite State University (CvSu) ah Ph. D in Educational  Management (Candidate)course  vialte a cawn dih hnu ah Ph. D degree lak ti loin Trece Martires City College, Philippine tu ah aa thial than i, Doctor of Education ( D.Ed) Degree (2017) kum  ah a  lak.

Conglawmhnak a hmuhmi hna;

  1. 2017 kum ah Myanmar State Counselors Daw Aung San Suu Kyi nih Doctor of Education (D.Ed) degree a hmuhmi cawnglomhnak a pek. Amah hi Chin Miphun chung in Doctor of Education (D.Ed) Major in Educational Management degree a la hmasa tu a si.
  2. 2018 kum ah Carson Baptist Church, Sanmyo 5, Kalaymyo nih D.Ed a hmuhmi cung ah cawnglomhnak an pek.
  3. 2019 kum Sagaing ramthen Chief Minister Dr. Myint Naing nih (ႏုိင္ငံေတာ္အဆင့္ စာေပထူးခၽြန္ဆု) Rampi huap calei thiamsan Conglawmhnak a pek.
  4. 2004 kum ah Carson Baptist Church, Kalaymyo nih M.A Conglomhnak Roca an pek.
  5. 2010 kum ah Khuabung Area Christian Fellowship, Hakha, Chin State nih M.A Upat peknak Roca an pek.

    Ariantuannak le Sining

Judson Education Centre, Kalaymyo, Myanmar ah a dirh i June 2006-2011 kum tiang a tuah. 1997-1999 kum tiang No. 9 Basic Primary School, Pinlon, le Santa Private Basic Primary School, Kalaymyo, Myanmar ah saya rian a rak tuan. 1997 Lai Mekazin University of Kalaymyo ah Joint-Editor a tuan bal. Chin Funtonnak Bu(CFB)- The Chin Times Journal ah Chief-Editor cu 2012 kum ah a rak thok tu a si. Cun Khirhfabu le Veng le Sang le Society a tuannak hna cu:

  1. Carson Baptist Church, Kalaymyo, Youth Secretary -1995-1998;
  2. Kalay Lai Sianghleirun Bu (Kalaymyo) Secretary le President-1996-1998;
  3. Kalay Lai Seino Bu, Kalaymyo Secretary-1995-1997;
  4. University of Christian Fellowship, University of Kalaymyo, Secretary -2000;
  5. Chin Baptist Association, Kalaymyo, Vice-President, Youth Department -2001;
  6. Philippine-Chin Christian Fellowship (PCCF)-President -2015;
  7. Geography Department of Association, University of Yangon, Myanmar,-General Secretary-2004;
  8. Chin Youth Organization, Kalaymmyo-CYO, Advisor 2018-2019;

Atial mi cauk hna:

  1. Rawn Chin Miphun Authawng (Voice for Chin Valley) Hakha language- 2016
  2. Semnak Iangngeiram (Charming of Mother Land) Hakha language -2018

Nihin tiang ah capar 30 leng a tial cang. Atu ah Chin Khrihfa Mission Theitlai timi cauk a tial i 2019 kum chungah a chuak zau lai tiah kan theih.

 Hngalhternak: Ram le miphun caah rampi huap in calei thiamsan upat conglawmhnak Roca a kan hmuhmi cung ah a riantuanpi hawi The Chinland Post chungkhar nih kan lawmhpi. Cucaah, amah konglam tawite kan rak langhternak hi a si.

Leave a Commnet

%d bloggers like this: