Sagaing Ramthen Peng 2 Ah Thlichia Nih Inn 800 Hrawng A Hrawh

Salai CungCung|2019 May 16| Sagaing ramthen peng 2 ah thlichia a hran caah inn 800 hrawng a hrawh tiah ramthen kokek rawhralnak bawmhtu zung in Director nih a chim.

May 13 zan i thlichia a hran ruang ah Sagaing ramthen Kanyi peng ah inn 780 hrawng le Pale peng ah inn 20 hrawng a hrawh.

“Tu lio cu Pale le Kanyi ah a rawkralmi cazin lawng kan ngah rih. Minkin zong ah thlichia a hrang ti kan theih nain a rawkralmi cazin cu kan sin a phan rih lo. Cun kadang hmundang thlichia hrangmi ruang ah a rawkralmi um le um lo kan chekfel lio a si” tiah ramthen kokek rawhralnak bawmhtu zung in Director nihcun a chim.

Kanyi peng chung ah thlichia nih a hrawhmi inn cu Sagaing ramthen Chief minister le tuanvo ngeitu hna nih May 14 ah bawmhnak an va pek hna tiah kan theih.

“Thlichia ruang ah a rawkmi hi khua 20 hrawng an si. A thli zong hi a fak tuk, cheukhat khua ah cun rial hna a tla. Ni kum thlichia ruang ah a rawkmi khua pawl zong aa tel chih. Chindwin tiva  ah thilphor Tilawng pakhat zong ti chung ah a pil” tiah U Htun Htun Win nih a chim.

Thlichia ruang ah a rawkmi inn cazin lak, a rawkralmi thilril pawl thianhhlimnak le tiva chung a pilmi Tilawng chung um minung pawl an bawmh liopi hna a si tiah U Htun Htun Win nih a chim chap.

Kawlram ramthen pakhat ah thlichia le ruah a surmi ruang ah minung pathum an thi tiah theih a si.

Ref: 7Day News

Na ruahning rak langhter ve.. (Leave a comment)

%d bloggers like this: