Salai David Ngai Sak Nih Chin Miphun Ni Tuahnak Le Hakha Khua Kauhnak Kong A Chimmi Video
The Chinland Post| 2019 February 22| Van Ceuuk Khenglawt nih February 20 theng i Chin Miphun Ni tuah le tuahnak kong le Hakha khua kauhnak ding ram an laak/chuhmi kong biahalnak pahnihnak a tuahmi cu a tanglei bantuk in Salai David Ngai Sak nih a leh.
Atu lio Chin party lutlai pakhat a simi Salai David Ngai Sak cu tukum Indianapolis ah tuahmi Chin Miphun Ni ah Chief Guest in an sawm i a kal.
Chin Miphun Ni hi February 20 thengtheng lawng ah si lo in February thla chung paoh i kan tuah ahcun a tha ko. February thla nihhin Chin Miphun Ni lungput a khen ko tiah a chim.
Hika ah biahalnak pahnih le a lehnak tlingte in video zoh khawh a si.
Cun, Hakha khuapi kauhnak kong ahhin pupa ram timi nakin nunphung rorah in ngeihmi ram (customary law) timi hi a ngan deuh. Hakha khuapi kauhnak kong ahhin lo ngeitu le cozah lei he an pahnih in an biapi veve. Lo ngeitu hna nih hmun an pek sian lo ahcun zeitindah khuaram a kauh in athancho khawh ve lai. Cu bantuk in cozah nihhin rian a tuan dingmi kha felfaite in a chimphuan i lo ngeitu hna nih an sunghmi kha aa tlak ning in a liamrulh ve hna a hau. Cozah nih vawlei hmun a chuh hna tikah thil pathum ruahchih le tlinh bu in rian a tuan a hau tiah a chim.
Salai David Ngai Sak hi upadi lei thiamsang pakhat a si. Amah hi Chin League for Democracy party ah haotu le Chin party pathum komh CNLD (Chin National League for Democracy) ah hruaitu upa pakhat zong a si chih.
Video: Vanceuk Khenglaw facebook
About The Author
