Salai Peng Hnin Thang; Dinti Laakmi Hrawhpiakmi Kong Fianternak
Vomkua Tihnah Tikir nih An Hrawh timi kong/ Vakok Authawng website
Editor Sin Cakuat| 2019 August 26| Vomkua khuami an dinti laakmi cu Tikir khuami nih an hrawhpiak hna tiah Vakok Authawng timi nih a facebook page ah August 19, 2019 ahkhan a phozar. Hihi a hmaanlomi a si caah Tikir khuami upa pakhat nih fianternak a tuah colh ve. Cun, a ca thlahmi ah pumpak hnorsuannak a um caah careltu sin ah thilhmaan van langhter ka duh.
Kan tidil mi an hrawh dih i ti pipe zong anmah ngakhur tilaknak ah a hman tiah a tial. Anmah Vomkua khuabawipa kan chawnh i thil sining kan hal tikah khua i a ummi cu kan si hrimhrim lo, kan khuaruah a har tuk ve a ti. A ngaingai ti ahcun hika hmunhma hi kan pupa hna lopil/lohmun a rak si. Dum tuahnak hmunhma i a rem ngaimi a si caah khuabawi sin ah thate in kan hal i cozah theihpinak he kan tuahmi a si. Ti kan laaknak hi pe 100 tluk a sau i kanmah pumpak in kan cawkmi te kan hman ko. Vomkua ti pipe hi letmah pakhat hmanh kan hmang lo. Vomkua i an hmanmi ti pipe cu anakmi (black) India ti pipe khi a si i kannih kan ti pipe cu a hringmi a si.
Catialtu: Salai Peng Hnin Thang (Dum Ngeitu)
