Saudi Arabia Cu Russia Nih 5-0 In An Tei Hna I Denis Cheryshev Nih Goal 2 A Sut

City Hunter| 2018 June 14| 2018 kum June 14 zan World Cup donnak ah Group A in a chuih hmasa bikmi cu inntek Russia le Saudi Arabia an si. Russia nih 5-0 in an tei hna.

Minute 12 an chuih ah Russia in Yuri Gazinskiy nih a hmasa bik a goal. Dinhcaan lai te minute 43 ah Denis Cheryshev nih goal 1 a sut ve. Dinhcaan hnu minute 71 an chuih ah Artem Dzyuba nih goal 1 a sut than. A caan a dih lai te minute 90 ah avoi hnihnak Denis Cheryshev nih goal 1 a sut than. Cun, a caan a dih deuh manh hlan te minute 90 chung ah Aleksandr Golovin nih goal 1 a sut ve.

Denis Cheryshev nih minung pathum a tham hna hnu ah goal a sut lio

An chuih tlawmpal ah Russia lei in Alan Dzagoev cu ruahlopi in a thahri a fah caah minute 24 ah a chuak i Denis Cheryshev nih a chaan. Pumpululh an chuihning formation (ka-sa-kuat) cu Russia hi 4-2-3-1 in an i celh i Saudi Arabia hi 4-1-4-1 in an i celh.

Saudi Arabia hi 2014 kum World Cup ah an rak i tel lo. 2014 kum World Cup ah Russia cu an rak i tel kho nain group in an rak tla colh. Sihmanhsehlaw cu tukum cu Group A in Russia le Uruguay hi an kai te lai ti a zummi an tam.

Tuzarh Chung  Chuih Dingmi
 June 14 zan suimilam 9:30 ah Russia le Saudi Arabia
 June 15 zan suimilam 6:30 ah Egypt le Uruguay
 June 15 zan suimilam 9:30 ah Morocco le Iran
 June 16 deilei suimilam 12:30 ah Portugal le Spain
 June 16 zanlei suimilam 4:30 ah France le Australia
 June 16 zan suimilam 7:30 ah Peru le Denmark
 June 16 zan suimilam 7:30 ah Argentina le Iceland
 June 17 deilei 1:30 ah Croatia le Nigeria
 June 17 zan suimilam 6:30 ah Costa Rica le Serbia
 June 17 zan suimilam 9:30 ah Germany le Mexico an chuih lai.

Ref: nytimes

Na ruahning rak langhter ve.. (Leave a comment)

%d bloggers like this: