Semi Final; Croatia Nih England An Tei Hna Caah France Le Croatia Final An Kai Cang
City Hunter| 2018 July 12| July 12 deilei suimilam 12:30 semi final ah England le Croatia an chuih i Croatia nih an tei hna caah Croatia cu France he final an kai cang.
Tukum world cup semi final ah England le Croatia an chuih i minute 5 an chuih ah England nih free-kick an ngah i K. Trippier nih a chuih i a goal. Minute 68 an chuih ah Croatia in Ivan Perisic nih goal 1 a sut ve. Minung 90 tiang 1-1 in an i tluk caah extra time minute 20 chung an chuih than. Extra time minute 109 ah Croatia lei in Mario Mandzukic nih goal 1 a sut than. Cucaah Croatia nih England cu 2-1 in an tei hna caah Croatia cu France he final an kai cang.
England hi semi final tiang ah goal an sutmi zapi hi goal 11 a si. Croatia hi tukum World Cup semi final an chuih tiang a puai 6 ningte in an awng. Semi final an chuih tiang ah goal 11 an ngei ve cang.
Tukum World Cup pathumnak cu July 14 zan suimilam 8:30 ah group G veve in Belgium le England an i cuh lai. Group Stage chuih lio ah Belgium nih 1-0 in an rak tei cang hna. Final cu July 15 zan suimilam 9:30 ah France le Croatia an chuih te lai. Semi final a dih tiang tukum World Cup ah pumpak in goal tambik a suttu cu England in Harry Kane a si, goal 6 a sut cang. Amah nih tukum World Cup Sui Kedan cu a co lai tiah an zumh cio. Amah a changtu hi a tam bik goal 4 lawng an sut.
World Cup tuanbia zohthan tikah tukum he hin England hi semi final voithum an phan kho. Semi final an phak kum cu; 1966, 1990 le tukum 2018 ah a si. England nih 1996 kum ah World Cup champion voikhat te an rak co.
France hi tukum World Cup ah puaikhat hmanh an sung lo, group stage an chuih lio ah Denmark he voikhat an i tluk (0-0 in an draw). Tukum World Cup semi final an chuih tiang ah goal 9 an sut cang. France hi 1998 kum ah champion voikhat an rak co bal ve.
Semi final tiang ah France, Croatia, England le Belgium phu in goal suttu hna cu;
France
Antoine Griezmann – goal 3
Kylian Mbappe – goal 3
Benjamin Pavard- goal 1
Raphael Varane- goal 1
Samuel Umtiti – goal 1
England
Harry Kane – goal 6
Jesse Lingard – goal 1
John Stones – goal 1
Harry Maguire – goal 1
Dele Alli – goal 1
Kieran Trippier – goal 1
Croatia
Luka Modric – goal 2
Ivan Perisic – goal 2
Mario Mandzukic – goal 2
Ante Rebic – goal 1
Ivan Rakitic – goal 1
Milan Badelj – goal 1
Andrej Kramaric – goal 1
Domagoj Vida – goal 1
Belgium
Dries Mertens – goal 1
Romelu Lukaku- goal 4
Eden Hazard- goal 2
Michy Batshuayi – goal 1
Adnan Januzaj- goal 1
Tukum World Cup ah goal 3 in hat-trick a ngahtu cu Portugal in C. Ronaldo le England in Harry Kane an si.
About The Author
