Shadaw Peng Kahdohnak Ah SAC Ralbawi 2 Telh In Tamlak An Thi, Hriam Zuun 20 Leng Zong An Lak Khawh
The Chinland Post | 2023 August 25 — Karenni ram, Shadaw peng ah SAC Infantry 519 pawl riahcaw chan ding in a kal mi pawl an kah hna i SAC ralkap tamlak an thi, hriamngan, hriamhme le kuanzen tampi zong an lak khawh tiah theih a si.
August 23 chun ah Shadaw peng, 2888 battalion le 3222 tlang ah a um mi SAC ralkap pawl riahcaw chan ding in Shan ram lei in a rak ṭum mi SAC ralkap Infantry 519 cu KA phufonh nih an kah hna i SAC ralkap tamlak an thi, hriam zuun 20 leng an lak khawh tiah KA lei biachimnak nawl a ngeitu nih Khit Thit ah a chim.
An lak khawh mi hriam hna hi Meithal zuun 14, Machine Gun 1, Hriamngan 4 telh in kuanzen tamlak an lak khawh, SAC nih zaanlei 3:00pm le 4:00pm kar ah vanlawng in kahdohnak a rak bawmh ko hna nain KA phufonh lei an him tiah theih a si.
