Shadaw Peng, Thai-Myanmar Ramri Ah A Um Mi SAC Sakhaan 2 An Chuahtak
The Chinland Post | 2023 July 6 — Karenni ram, Shadaw peng, Thai-Myanmar ramri, Thalwin tiva ni chuahlei ah a um mi SAC ralkap Kyapasat sakhaan le Point 2957 sakhaan hna cu SAC ralkap pawl nih an chuahtak i Shan ram lei in bawmh ding a ra mi SAC ralkap pawl an kah hna caah 6 an thi, hriam tampi an lak khawh tiah KA B02 sin in thawng theih a si.
June 25 ah SAC ralkap pawl nih an chuahtak mi SAC ralkap sakhaan 2 cu KA B02 nih hmunhma zohfelnak an tuah i 60MM bom lung 45, RPG bom lung 7, MG kuan 4369, MA kuan 340, Grenade 4 le 14 Landmine lung 10 hna an lak khawh. Cuka sakhaan 2 caah riahcaw phorhnak lam an phih piak hna, atu le atu an kah hna caah an chuahtak hi a si tiah theih a si.
June 29 zong ah Shadaw peng, Dawmekyo khuahlun pawng ah Shan ram lei in bawmh ding ah a ra mi SAC ralkap B510 cu KA B02 nih an kah hna i sml 1 hrawng kahdohnak a fak i SAC ralkap 6 an thi, SAC Captain telh in 2 an i hliam, SAC ralkap nih 120MM in voi tampi kahdoh an bawmh hna leng ah vanlawng in 500lb a si mi bom an thlak caah KA ralkap 1 a nunnak a liam tiah theih a si.
Kahdohnak chung in 60MM zuun le kuan 14, RPG kuan 7, 79 bom lung 65, MG 1, kuan 726, MA5 zuun 1, MA4 zuun 1, MA3 zuun 4, MA2 zuun 1, MA kuanbawm 26 le kuan 3,720, bom lung 21, Grenade 8 le bomrap 8 hna an lak khawh tiah theih a si.
