Sharrtaw ah SAC ralkap mawṭaw an kah, 5 an thi
The Chinland Post | 2023 February 28 — Karenni ram, Sharrtaw khua ah a um mi SAC Battalion ah eidin a phor mi SAC ralkap mawṭaw cu KA phufonh nih an kah hna caah SAC ralkap 5 an thi, tampi an i hliam tiah KMIC nih a thanh.
February 26 zinglei ah Sharrtaw khua nichuah lei meng 9 aa hlatnak ah a um mi Tatah sakhaan in Sharrtaw khua SAC battalion ah mawṭaw in eidin an rak phorh lio ah Sharrtaw khua le Salaung khua karlak ah KA le KNDF phufonh nih an kah hna hi a si.
Kahdohnak sml 1 a rauh hnu ah mawṭaw aa rak cit mi SAC ralkap 5 an thi i tampi an i hliam. Mawṭaw 1 a ning in an hrawh khawh tiah theih a si.
SAC ralkap No. 81 nih hriamngan kah an bawmh caah KA hriamtlai 1 a ke ah aa hliam tiah theih a si.
