Shwebo Ah Eiawk A Caw Mi Pyusawhtee 3 An Kah Hna, An Pathum Ning In An Thi
The Chinland Post | 2023 July 4 — Sagaing ramṭhen, Shwebo peng ah SAC ralkap pawl caah eiawk cawknak in a rak kir mi pyusawhtee 3 cu an kham hna i an zaam caah an kah hna i an pathum ning in an thi tiah LPDF nih cathanh an chuah.
July 1 zaanlei sml 4:30pm hrawng ah Shwebo peng, Jomezin khuate pawng ah kahdohnak a chuah hi a si.
Min Thet Khaing, Aye Chan Aung le Ni Twet pyusawhtee 3 hna cu Ti-di khua le Minbe khuate ah a um mi SAC ralkap le pyusawhtee pawl caah Shwebo khuachung ah eiawk an cawk hi a si.
Cu pyusawhtee 3 sin in meithal zuun 2, Grenade 2 le an i put mi zu, beer le eiawk pawl an lak khawh tiah LPDF nih cun theihternak a tuah.
