Shwebo Peng Kahdohnak Ah SAC Ralkap 13 An Thi
The Chinland Post | 2023 June 7 — Sagaing ramṭhen, Shwebo peng ah SAC ralkap phu le hmunhma an khuarnak cu PDF phu nih an kah hna i SAC ralkap 13 nak tlawm lo an thi tiah MDF Shwebo nih a thanh.
May 31 ah Shwebo peng ah a um mi BE zuu chuannak sehzung ah hmunhma a khuar mi SAC ralkap 60 leng cu zinglei sml 5:15am hrawng ah khuatei inn pawl khang ding in an rak chuah lio ah MDF Shwebo le adang PDF phufonh pawl nih an kah hna tiah theih a si.
Kahdohnak hi Min 10 hrawng a rau i kahdohnak chung ah SAC ralkap 10 nak tlawm lo an thi, kahdohnak a dih hnu ah mipi inn pawl SAC ralkap nih an khangh tiah theih a si.
Cubantuk in May 31 ah Shwebo peng, Pathein phungki sianginn ah hmunhma a khuar mi SAC ralkap pawl cu PDF phu pawl nih an kah hna i SAC ralkap 3 an thi, PDF phufonh lei him tein an kir kho tiah thawng theih a si.
About The Author
