Shwebo Peng, Taythidaw Khua SAC Ralkap Sakhaan Kahdohnak Ah SAC Ralkap 10 An Thi, Tabayin Khuachung Kahdohnak Ah SAC Ralkap 4 An Thi
The Chinland Post | 2023 June 7 — Sagaing ramṭhen, Shwebo peng, Taythidaw khuate ah a um mi SAC ralkap sakhaan kahdohnak ah SAC ralkap 10 an thi tiah TTT Shwebo phu nih an thanh.
June 6 zinglei ah Shwebo peng, Taythidaw khuate ah hmunhma a khuar mi SAC ralkap an kah hna i ralkap 6 an thi, 20 leng hliam an tuar. Cun bawmh ding in a ra mi SAC ralkap mawṭaw cu Zeepyukone khua in an rak chuah bak ah bomrap an puah hnawh hna i 4 an thi tiah theih a si.
Cun Sagaing ramṭhen, Tabayin khuachung palek sakhaan le hmunhma an khuarnak pawl cu hriamngan le hriamhme he an kah hna i SAC ralkap, palek 4 an thi tiah Freedom Revolution nih a thanh.
Kahdohnak chung ah Freedom Revolution Force (FRF), Shwebo pengkomh B24, Yekyaw Fighter phu hna fonh in kahdohnak an tuah hi a si.
About The Author
