Shwepyitha Lakphaktidawr Thu Mi Police Lieutenant Cu Pangpar Bor Pek Pah In Meithal In An Kah
Salai Mangpau | September 14, 2023 — Yangon ramṭhen, Shwepyitha peng, sang 8 nak lakphaktidawr ah September 13 ah SAC kuttang Police Lieutenant cu lakphakti dawr a ṭhut lio ah mizei theih lo mi nih pangpar bor pek pah bu in meithal in a kah tiah theih a si.
September 13, zaanlei sml 2:45pqm ah Shwepyitha, Tabinshwehti lam Lakphaktidawr a ṭhu mi Police Lieutenant Aung Thet Htwe cu mi pakhat nih pangpar bor a pek lio ah Meithal in a kah hi a si tiah Ayeyarwaddy times sin in theih a si.
Police Lieutenant Aung Thet Htwe cu Meithal in voithum a kah. A ṭang ah meithal kuan khennak in hliam a tuar i, mi zei bu nih an kah hi theih a si rih lo tiah Ayeyarwaddy times nih a chim.
