Sianginn Cachim Saya/ma Training An Kai Chungah Minung 11 An Thi
TCP-Thantlang|2019 May 23| Rampi huap in sianglairuun cachimh ningcang a thar in cawn le chimhnak ding kongkau ah siangcachim Saya/ma Training kaimi chungin a kong tampi ruangah minung 11 an thi tiah theih a si.
A thimi Saya/ma hna cu Training kai dingin an rat pah vanchiat ah tektlaknak, Cycle/motor can sualnak ruangah a thimi, ni linhtuk ruangah a thi mi, lungzawtnak, thahri lei kongkau zawtnak, thikai zawtnak ruangah a thi mi tibantuk ruangah an si tiah theih a si.
May 22 Naypyitaw ah tuahmi fimcawnak zung nih thawngfianhnak an tuah ni ah Media hna biahalnak cu U Ko Lay Win nih a cunglei bantuk in a chim hi a si.
“Hi bantuk thil kan ton hi a tam pah cang tiah ka ruah. Hi bantuk thil hi mizei bantuk cung hmanh ah cang hlah seh ti cu kan duh cio. Hi bantuk thil a can sual ti nak hnga lo hmailei zongah a hlankan an i ralring cang lai” tiah Fimcawnnak zungpi Director U Ko Lay Win nih a chim.
Hi bantuk in thihlohnak a tongmi hna cu Yangon ramthen, Rakhine ramkulh, Mandalay ramthen, Mon ramkulh, Magway ramthen, Sagaing ramthen le Pago ramthen chung deuh ah a cang mi an si. Hi chungah hliamhma pumi le a dam lo mi 6 a um rih mi zong ngandamnak lei he i bawm in thlopbul an si tiah kan theih.
“Hi kongah kum upa cang mi Saya/ma te cu ngandamnak he aa tlakmi cawlcanghnak tuah ding le pakhatkhat nan can sual lai tiah ralrinnak tete zong pek an si hna” tiah a cunglei upa nih a chim.
Cacawn ningcang a thar Grade(3) le Grade (6) hna caah 2019 May 10 in 24 tiang rampi huap in sianglairuun siangcachim pawl training pek an si lai tiah kan theih.
Ref: The Fifth Wave News
About The Author
