Siangniamruun Cachimh Training A Kaimi Hna Cozah Nih Thlakhat 30,000 Bawmhnak A Pek Hna Lai
TCP-Thantlang| 2018 April 29| Siangniamruun (mu-piah) cachimtu ding saya/ma (PPTT) training a kai lio mi hna cozah nih minung pakhat thlakhat ks.30,000 cio bawmhnak ka pek hna lai tiah fimcawnnak zungpi Director Dr. Aung Aung Min nih a chim.
Siangniamruun cachimtu (PPTT) training kai dingin March 26 ah fakthanh rak tuah a si i minung thong 40 tluk nih an sok. Hi chungah minung thong 7 hrawnglawng cohlan an si i cu hna pawl cu a tubantuk in bawmhnak an hmu lai. Hi an training cu thlali chung kai a si lai i thlakhat 30000 cio an pek hna pin ah an chuah lai thla hnih in sianginn kai lai tiang 1,100 an hmu than lai.
“Hi tangka cu rampi fimthiamnak zung in bawmhmi a si. A dang Diploma (D.TED) training a kaimi zong kum dih tiang bawmh an si” tiah Dr. Aung Aung Min nih a chim.
PPTT training cu rampi huap in April 2 ah kai thok a si i training kai ding min cazin ah aa tel ko nain a kai kho lomi cu thlakhat ah sing 3 an liam lai tiah fimcawnnak zung lei nih rak thanh a si.
Hi training cu kum 30 cung si lo mi Universty pakhat khat in Digree a la cangmi a si lai i cozah zung ah riantuan cia a si ah cun kum 35 a luan lo mi le cozah zung tuanvo ngeitu sin in theihpi nak ca a ngei mi lawng cohlan an si. A tubantuk siangniamruun cachim (PPTT) training cu 2014 kum in rak thok mi a si.
Ref: 7Daydaily News
About The Author
