Sii-inn Kipah Zungriantuan Umnak Inn Le Riantuantu Minung Tlingtein An Chap Lai

TCP-Thantlang| 2018 August 12| Rampi Ngandamnak lei Vuanci Ngandamnak lei riantuantu hna caah 2018-2019 tangka kum chungah 263 billion dih in zungriantuantu hna umnak inn cu ramthen le ramkulh cio ah kan sak lai tiah ngandamnak lei vuanci Dr. Myint Htwe nih a chim.

“Ngandamnak zung riantuantu hna hi an harnak le antu hna an i zawh lonak kan theih ko. Hi kong he pehtlai in zungriantuan hna umnnak inn kan chappiak hna lai. A dih ding zong kan suaisam dih cang. Khua zei peng le khua hna ah dah an chambau cem timi zong kan theih ko hna. A ra laimi October budget chungah rian kan thok lai” tiah Dr. Myint Htwe nih a chim.

Zungriantuantu hna umnak inn sak dingmi cu mah le ramthen, pengkulh cozah hna nih tuanvo lak in 2018-2019 in 2019-2020 kum chungah zungriantuan umnak inn cu papek in an sak lai tiah theih a si.

“Tukum chung ah zungriantuan umnak inn sak a si lai, a ralai mi kum zongah zungriantuan tu hna umnak inn thiamthiam papek a si than lai. Sii-inn zong zohchun in level sanhpiak le a thar sakpiak an si ve lai. Cun sii-inn riantuan siibawi, saya/ma hna zong tling tein kan chiah hna lai” tiah Dr. Myint Htwe nih a chim.

August 9 Magwe ramthen, Pakokku, peng khuate pakhat ah Daw Aung San Suu Kyi le mizapi biaruah tinak tuah lio ah a tubantuk in rampi ngandamnak zung vuanci Dr. Myint Htwe nih a chim hi a si.

Ref: Central News Myanmar

Na ruahning rak langhter ve.. (Leave a comment)

%d bloggers like this: