Sing 200 Dih In Vumtumaung Certual  A Cheu An Theh

0

Salai CungCung|2019 April 5| Sing 200 dih in Vumtumaung certual  tukum ah a cheu (thlanglei kap thutnak lei) cu ALFRED Company nih an theh lio pi a si tiah kan theih.

“Sak than ding cu timh tuahnak um rih lo. Tukum ah motor gate pawng certual thutnak a thlanglei pawl hi an theh lai. Cun hmaikum lei ah a kamlei an theh lai. Hi a thlanglei cu tangka Sing 200 dih in ALFRED Company nih an theh lai. Zeitik dih ding in a caan rikhiahpiak mi um lo, budget chung in a dih cun a za ko” tiah Hakha peng zaanglek zung lutlai Pu Jacob nih The Chinland Post ah a chim.

“ Hi thing pawl an theh dih hnu ah zuar than ding tiah kan ti. A thar sak ding cu a rau pah rih lai. An thehnak inn tang um mi pawl hi i thial u kan ti ko hna nain tu tiang cu an i thial rih lo. Aa thial lo mi hi dantat ding timi cu a um lo nain cozah lei nih i thial u an ti hna ah cun i thial ding cu an si ko. Aa thial ding pawl cu certual sakthan hnu in an rak um than le um than lo ceih than a si lai” tiah Pu Jacob  nih a chim.

Hakha Vumtumaung certual cu a hlun i a rawp tuk cang caah tubantuk in theh le sak than an timh hi a si tiah kan theih.

About The Author

Na ruahning rak langhter ve.. (Leave a comment)

%d bloggers like this: