Sing 4130 Kyats Buaibainak ah Dr. Sui Hingz le The Chinland Post Biaruahnak

0

Dr. Sui Hingz

TCP 1- Tuankil he nan ipehtlaihning na kan chim kho hnga maw?

Sing 4130 Kyats Buaibainak kongah Dr. Sui Hingz lei le Tuan Kil Chung Tonnak

Dr.SH 1-Tuan Kil hi hlan ah Dingdi Titiang kan zung i staff pawl he lakphak kan rak ding ti bel nain a min zong ka thei ti lo. Tukum April thla ah Chin Public Company i share kan auh lio ah a rak phan i ting 1000 ka theh ve lai a ti i cu ti cun voi tam nawn meeting a rak kai. CPC Company i office hi Hlaing ka vawlei hmun i ka office kan hman caah cu ka ah meeting a rak kai tawn i ka vawlei hmun a hmuh i hmailei ah hotel ka sak te lai ka ti i phaisa tampi ka ngeih a theih tik ah sui ka tuah timi hi a ka chimh lengmang i a ka lem tik ah mitha le mi ngei a si ve ko i a ka hlen lai tiah ka ruat lo. CPC company ah sui kan tuahti tiah a timi Mandalay um a tuanti unau pahnih zong a rak lutter hna. Cu tik ah ting a thong in share a cawmi hna nih cun an ka hlen lai tiah ka ruat lo. Kan hlen hrimhrim lai lo Bible tlaih zong ka ngam a ti cun zarh khat voikhat rawl ka ulh ti zong a ti. Pathian min put in voi tam tuk a chim tik ah Mitha miding ah ka ruat sual.

TCP 2 – Zei rian dah nan tuanti? Tangka na cawiter bal maw?

Dr. SH 2 – Tuan Kil he zei rian hmanh kan tuanti bel lo. Pathian hmai hrimhrim ah Bible tlaih bu in Phaisa ka cawi ter bel lo. A herh zong ka herhnak a um lo.

TCP 3- Tuankil nih sing 14,000 a ka bat an timi le nangmah nih Sing 4130 a ka bat na ti mi kong theih kan duh ko?

Dr. SH 3 – Keimah nih ting 4130 cu bank in kan nu nih a kuatmi a si i bank receipt zong kan ngeih dih pin ah amah zong nih phone le video file chung ah a wunkhan mi a um ko. Amah nih ting 14,000 a ka bat a ti mi cu amah a hmurka lawng ah a um mi bia a si. Kan nih zei hmanh kan thei lo.

TCP 4- A nikhatnak ton lio ah Sing 6000 a ti chel, sing 5000 le tlawm pal a ka bat na ti chel a rak um i a donghnak na facebook na til ahkhan zei ruang ah dah 4130 na ti than mi ti kha na ka chim kho rih hnga maw? (a nikhatnak Hakha iton lio bia in)

Riantuanti Tuan Kil (Laithuam) + Dr. Sui Hingz le an hawi

Dr. SH 4 – Aw, mah kha cu ka pekmi phaisa khan sui ka pe seh law mah lio sui rate he a rak si

TCP 5- Sachoh lo in zeitin dah Sing 4130 hi na kuat khawh.

Dr. SH 5 – CPC Public company zong ah zapi theih in share ting 1000 man ka theh ve lai a ti. Cun sui a tuah ti tiah a ti mi a hawile pa 2 zong share cawk in ting 1000 le ting 500 share cawk in director ah an rak lut ve. Cu tik ah a tuanti pa3 an rak luh tik ah an kan hlen lai i an tli lai tiah ka ruat bak lo.

TCP 6 – Facebook Video call in Tuan kil nih tangka ipeknak le laksawng na thenhmi kong a chimmi kongah zeitin a si lai?

Dr. SH 6 – Phaisa Laksawng ka pe bel lo. Phaisa ka phalhmi le laksawng ka pek mi zong a um bel lo. A ruah hlan ah Va ka ngeih tik ah taa ah kan tlaih lai a ti i Bangkok ah kan family kan tlawng lio ah mithman (sun glasses) a ka cah i kan phorh bel. Phaisa zei hman ka pe bel lo.

TCP 7 – Tuankil nih Sing 14000 in pe sehlaw Mah tangka vialte hi khoika dah na hman hnga?

Dr. SH 7 – Tuan Kil nih hin phaisa a ka pe bel lo i ka zaan mang hmanh ah ka mangh bel lo a ruat zong ka ruat bel lo. Ka chunmang zong ah ka ruat bel lo. Phaisa a herhmi minung zong ka si lo.

TCP 8 – Hakha Pastor le Khua nupa hmai ah Bible tlaih in Video nan icall nak zapi sin langhter na cohlan lai maw?

Dr.SH 8 – Tuan Kil Video call chung ah Bible maw cauk maw aa tlaih zong kan thei lo. Mah caah cun a nu le a unau vialte zong nih Bible tlaih in Tuan Kil caah bia i kam dih cio hna seh. Keimah zong ka nu le ka unau dih lak Bible tlaih ding in bia an i kam ngam dih. Mah kha kha video nan kan thlak lai i zapi hmai ah nan thlah lai.

TCP 9 – Kilte nih Viber le Facebook in lihbia aka chimter lengmang a ti I zeitin dah leh na duhmi a ummaw?

Dr. SH 9 – Lih ka chimter mi zei hmanh a um lo. A ka chimter a ti ahcun tette rak piah ko ngat seh. Keimah zong Viber le Messenger kan i chawnhnak vialte ka ngei dih ko.

TCP 10- Kilte Tangka peknak ah Hau Za aa tel maw? Sui Hingz nih Kilter thahter a ka timh tiah Kilte a timi hi a si taktak maw?

Dr. SH 10 – Hau Za cu Mandalay ah phaisa halter ding in ka kalter mi lawng a si. Mah cun August 13 ni ah an i ton i a thaizing ah kan pek lai a ti nain zing deika te ah a rak tli diam cang. Thah a kan timh tiah a ti fawn ahcun zei ruang ahdah Hau Za te cu palek sin ah report tuah lo in amah tu cu khuathlang lei ah a tlik. A mah a hman ahcun Hau Za te nih thah an ka timh tiah Mandalay palek sin ah report tuah colh ding a si nain khuathlang lei ah a tlik mi hi amah 100 ah 100 a hman lo ruang ah Mizoram ah a tlik nak hi a si ko.

TCP 11 – Kilte nih Tangka cawihnak le I pehtlaihnak vialte delete dih, Tangka cawihnak zong sachoh kan tuah lo a timi hi a dik maw?

Dr. SH 10 – Ka delete ter bel lo. Kan i chawnhnak vialte messenger le viber a um dih ko.

TCP 12 – Aizawl nan kal ti thawng kan theih. Kilte tonter kho lo dingin rian a tuantu mi/bu an um sual maw?

Dr. SH 12 – Aizawl kan kal. CNF chungtel Pu Lalramlawma Chhangte (Lawma) nih a inn ah aa chiah i thaizing 11 am ah kan tonter hna lai a ti i a zaan 8 pm hrawng ah a tli cang tiah thawng a kan thanh.

TCP 13 – Kilte he rian nan tuannak hi nan nu nih a thei maw?

Dr. SH 13 – Kan nu nih a theih dih. Phaisa kuatu zong a mah a si. Kan nu i a coffee dawr zong ah a ra i coffee zong kan ding ti i saupi bia zong an ni ruah. Rawl zong kan ei ti hna.

TCP 14 – Kilte nih nan Company (CPC) ah sing 100 a pekmi hi a dik maw? Atu thil nihhin Chin Public Company riantuannak a dawnh lai tiah na ruat maw?

Dr. SH 14 – A dik. Ting 1000 theh ding a si i 10% ting 100 a theh cang.

TCP 15 – Nan nu Esther Yatana min in Tuan Kil he aa pehtlaimi aa pehtlaimi minung (5) pah 685/2018 Penal Code 420 lih ruang Report nan tuah tiah kan theih. Minung (4) an tlaih cang hna tiah Chin World ah na chimmi kha aho pawl dah an si.

Dr. SH 15 – Penal code 420 in case kan file i minung pa 5 an tlaih cang hna. A chungle le a tuanti hawi pawl an si.

TCP 16 – Zapi sin Biacah chim duhmi zeidah a um?

Dr. SH 16 – Keimah lei in 100 ah 100 ka hman ruang ah mah bantuk thil hi ka tuah ngam mi a si ti hi theihter kan duh hna. 1

TCP 17 – Tuan Kil sin biacah duhmi

Dr. SH 17 – Laitlang zong ah na hlenmi hna le lungfak in na chiahmi hna tampi an um tiah kan theih. Cucaah na sual i ngaihchih law palek sin ah i ap law na caah a tha bik lai.

About The Author

Na ruahning rak langhter ve.. (Leave a comment)

%d bloggers like this: