SKAT Motor Nih Inn A Pah, Minung Pakhat Sii-Inn A Phan

Hakha SKAT nih Inn Pah/TCP

Salai Cung Cung|2020 January 23| Hakha Dawr (Chin Oo Sii) Calvary Baptist Church thlang ah SKAT Motor(afami) No.YGN 9f-2778 nih inn pakhat cu January 23 zing suimilam 11.30 hrawng ah a pah i minung pakhat Sii-inn a phan tiah kan theih.

“Khual tlawng ka timh i thil an kan cah mi ka va chiah piak hna lai ka ti. Cu thil an ka cah mi cu Phone ka chawnh hna i an phone an tlaih lo caah an thil cu Motor ngeitu pa inn ah  chiah chung ding in ka rak tum pah ah ka Motor brake a rawk (a poh)  i tubantuk in inn ka pah sualnak hi a si. Motor chung ah kei mah telh in minung 13 kan i cit. Hliamhma tuar mi cu kan um lo” tiah Motor driver Nge Lay nih The Chinland Post ah a chim.

Hi motor khaaltu hi Gangaw Kawl Nge Lay a si. Motor nih inn a pah lio ah hin inn tang ah pi tar Nitlang toh lio a si i a fanu hi coka ah a um lio a si. An pi cu a lu ah tlawnpal hliamhma a tuar caah Hakha Sii-inn kan kal pi tiah kan theih. +++

 

Na ruahning rak langhter ve.. (Leave a comment)

%d bloggers like this: