Social Media Pawl Ngiathlaitu Bu Kan Dirh I Kyats nuai 6426 Kan Hman Cang; Ramkomh Cozah
TCP-Online| 2018 March 19| Social Media pawl ngaithaitu dingah bu kan dirh i cu bu nih cun Kyats nuai 6426 hman a si cang tiah ramkomh Ministry of Transport & Communication nih an chim.
March 19 ni Pyitaungsuh hluttaw ah ramkomh tangkaa hmanchuahnak kong report peknak a um i ramkomh Transport & Communication Minister U Thant Zin Maung nih tubantuk in Social Media pawl ngaithlaitu bu nih Kyats nuai 6426 an hman cangnak kong a chim cu si.
“Pehtlaihnak a phunphun Internet le Social Media hmang in cozah nih a duh lomi, cozah fahnak a chim thanhtu pawl kherhhlai khawh nakding ah upadi he aa tlakning in ngaithlaitu bu cu kan dirh. Cucaah cozah nih cun Social Media Monitoring Team – SMMT tiah a min zong kan bunh. Cu nih cun Kyats nuai 6426 a hmang cang” tiah Minister U Thant Zin Maung nih cun a chim.
Mah SMMT nih hin a herhnak ah a hman dingmi Hardware pawl, Device le Software pawl cawknak caah lakhruak in Kyats nuai 6426 a hmami cu Pyitaungsuh hluttaw pi nih hnatlakpinak zong a ngeih colh.
“Hi pinah hin Internet hna ningcanglo in a hmangmi cu upadi ning in dan kan tat khawh nakhnga caah Cyber law timi phunghram zong a hran kan lim cang” tiah U Thant Zin Maung nih cun a chim chap.
Ref:DVB
