Spain Le Potugal 3-3 In An I Tluk; C. Ronaldo Nih Hat-trick In Tuanbia Thar A Tial
City Hunter| 2018 June 16| June 16 deilei suimilam 12:30 ah group B in Portugal le Spain an chuih i 3-3 in an i tluk. Penalty telhchih in Portugal hmaikal C. Ronaldo nih goal 3 a sut. Tukum 2018 World Cup ah a hmasa bik hat-trick a ngahtu le tuanbia thar tialtu a hung si.
An chuih minute 4 ah Portugal in Cristiano Ronaldo nih penalty a ngah i goal 1 a sut. Minute 24 ah Spain in D. Costa nih goal 1 a sut colh ve. Dinhcaan lai te minute 44 ah Cristiano Ronaldo nih avoi hnihnak a sut than. Dinhcaan tiang hi 2-1 in Portugal nih an hruai hna.
Dinhcaan hnu minute 55 ah Spain in D. Costa nih avoihnihnak goal a sut than. Cu tlawmpal minute 58 ah Spain in Nacho Fernandez nih goal 1 a sut ve. Minute 87 tiang Spain nih Portugal cu 3-2 in an celhpi hna. Minute 88 ah Portugal in C. Ronaldo nih avoithumnak a goal than i hat-trick a ngah beh. Football position hi 63-37 in Spain nih an tei hna.
Portugal Dirhmun
World cup tuanbia ah Portugal hi voikhat hmanh champion an co bal rih lo. 2010 kum quarter final ah Spain nih an rak thlak hna. 2014 kum ah group in an rak tla.
Spain Dirhmun
2010 World Cup ah champion an laak. 2014 kum ah group in an tla.
World Cup ah Portugal le Spain a donghnak bik an chuih le an i ton cu 2010 kum quarter final a si. Spain nih 1-0 in an rak tei hna.
Egypt Le Uruguay
June 15 zan ah Group A in Egypt le Uruguay an chuih I a caan a dih laite minute 89 ah Uruguay in Jose Gimenez nih goal 1 a sut caah 1-0 in an tei hna.
Morocco Le Iran
June 15 zan ah Group B in Morocco le Iran an chuih i minute 90 hnu ah Iran in Aziz Bouhaddouz nih goal 1 a sut caah 1-0 in an tei hna.
Russia Le Saudi Arabia
June 14 zan ah Group A in Russia le Saudi Arabia an chuih I 5-0 in Russia nih an tei hna. Minute 12 an chuih ah Russia in Yuri Gazinskiy nih a hmasa bik a goal. Dinhcaan lai te minute 43 ah Denis Cheryshev nih goal 1 a sut ve. Dinhcaan hnu minute 71 an chuih ah Artem Dzyuba nih goal 1 a sut than. A caan a dih lai te minute 90 ah avoi hnihnak Denis Cheryshev nih goal 1 a sut than. Cun, a caan a dih deuh manh hlan te minute 90 chung ah Aleksandr Golovin nih goal 1 a sut ve.
Atu Tiang Mark An Hmuhning
Group A
Russia = 3
Uruguay = 3
Egypt = 0
Saudi Arabia = 0
Group B
Iran = 3
Portugal = 1
Spain = 1
Morocco = 0
About The Author
