Specialist Siibawi Pawl Ngunkhuai Hal Ding In SAC Nih A Chim
Salai Mangpau| August 29, 2023 — Private siizung ah rianṭuan pawl, cozah rianṭuan a si lo mi ngandamnak lei rianṭuan hna cu ngunkhuai 2% pek ding in SAC ramchung ngunkhuai zung sin in theih a si tiah BBC Burmese nih a chim.
Private siizung, siikhaan ah mizaw a zoh mi hna Specialist siibawi pawl hna nih ngunkhuai pek a si cang lai.
“Private siizung, siikhan aa zohter mi mizaw sin ah ngunkhuai hal a si lai lo. Sii lei zohkhenhtu sin ah ngunkhuai cu 2% hal kan timh hna a si tiah SAC ngunkhuai zung nih an chim.
September 1 thawk in mah ngunkhuai peknak kong nawlchuah mi hi zulh a si cang lai caah Specialist siibawi pawl le siizung karlak zong ah ceihhmainak tuah a si lio tiah Private siizung lei in theih a si.
Private siizung le Specialist pawl nguankhuai peknak kong ah mah hna pawl tangka hmuhning/ngeihning theih an duh hna caah a si ko tiah ngandamnak lei a ṭuan mi nih an chim.
