Sri Lanka Bomb Puahtu Hna He Aa Pehtlaimi Pa Kawlram In A Kir Rih Lo

0

TCP-Thantlang| 2019 May 23| Sri Lankan ram ah a cangmi nunnak thap in Bomb puahmi hna phu he pehtlaihnak a ngei tiah lunghrinhmi pa cu Yangon International Airport in a chuak rih lo, Kawlram chungah a um rih tiah theih a si.

Hi kong he pehtlai in Sri Lanka ram Bomb puahtu hna tlaihmi pawl he pehtlaihnak a ngei tiah lunghrinhmi Abdul Salam Irshadmonhmood cu Kawlram chung ah a um rih tiah Hotel le khualtlawng kongkau tawlelnak zung nih thanhca an chuah.

Mah mi pa cu a luancia 2018 kum January 16 lio ah Jet Air vanlawng 3K 583 in Kawlram a rak phan i Yangon International Airport in a tuni tiang an ram ah a kir rih lo tiah May 22 ni ah thanhca an chuah hi a si.

Cucaah Kawlram chung a um caan kumkhat le thla hnih a luan cang caah Hotel le khual riahbuk kip tuanvo ngeitu hna nih mah mi pa Abdul Salam Irshadmonhmood (kum 39), Passport number- N5467645 aa tlaihmi nan hmuh sual ah cun theihternak nan kan tuah naklai tiah a tubantuk in thawngthanhnak an tuah hi a si.

May 22 ni zongah Pyithezi zung lutlai chang a si mi U Aung Thu le a hawi le hna nih Yangon International Airport hna ah hlathlainak an tuah. Sri Lanka ram ah a luancia April 21 Ether Sunday (thawhthan ni) Khrihfa Biak inn pakhat ah nunnak thap in Bomb puah nak a chuak i a thi mi 253 le minung 500 renglo hlimahma an pu. Hi Bomb puah mi hna chung ah nu pakhat telh in minung 9 nih an tuah mi a si tiah theih a si.

Ref: Duwun

About The Author

Na ruahning rak langhter ve.. (Leave a comment)

%d bloggers like this: