Surbung Vanlawng Tual Onnak Tuah Hnu Ah Vanlawng In Tlun Kal Khawh A Si Cang Lai

0

Salai Bawi lian Sang| TCP-Kalay| January 8, 2021| Chinram kulh Falam peng ah an sak mi Surbung vanlawng tual onnak an tuah ni in vanlawng tlunkal a si lai tiah Chinram cozah biachimnak nawl ngei Siipin Vuanci U Soe Htet nih a chim.

“Falam vanlawng tual onnak tuah a si rih lo. Rampi cozah upa hna an I manh tik February thla chung ah mi tam tuk lo in Chin Miphun Ni he komh in tuah ruahnak kan ngei. Sihmanhsehlaw covid-19 pulrai ruang ah bia khiah khawh  a si rih lo” tiah U Soe Htet nih a chim.

Surbung vanlawng tual ah 2020 kum October 27 ni ah Myanmar Air Line ATR-72 cu a voikhatnak a tum cang.

Matupi pengkulh Lailenpi peng zong ah MAF- Myanmar le Health and Hope bawm in sak hram 2018 in sakmi vanlawngtual zong 75% an dih cang.  Lailenpi peng vanlawng tual zong Engineer nih cun 2021 March thla ah kan sak mi kan lim lai tiah a chim tiin U Soe Htet nih a chim.

Lailenpi vanlawng tual cu Caravan Cessna vanlawng phun a tum khawh lai I rili in a san pe (4918) ah a um mi vanlawng tual a si tiah theih a si. Mah vanlawng tual cu vanlawng tliknak lam 800m(2600 feet) a saumi in sak a si.Yangon in Lailenpi tiang minutes 90 chung ah tlun kal khawh a site lai.minung 18 cit khawhmi vanlawng fa pawl a tum kai kho lai tiah theih a si.

Surbung vanlawng tual cu ramkomh cozah fund ks.37 billion leng dih in ser cuahmah liomi vanlawngtual cu 2015 kum U Thein Sein chan i sak mi cu 2020 kum ah an lim cang. Surbung tlang  vanlawng tliknak lam a sau pe 6,000 le a kauh pe 100 in sermi a si. cun a rih/zan 50,000 pound a simi art-72 vanlawng pawl tum kho ding tiang in sermi a si.. a dangdang airline he aa pehtlaimi rian pawl tuan dingmi a tang rih tiah theih a si. surbung tlang vanlawngtual aa lim hnu in Hakha, Thantlang, Lailen, Tedim le Paletwa ah pakhat hnu pakhat in vanlawngtual cu ser chap a si lai tiah theih a si. Ref: Khonunthung/CCN Channal

About The Author

Na ruahning rak langhter ve.. (Leave a comment)

%d bloggers like this: