Suu Kyi; Ram Cu Uk Lo In A Rian Tu Phorhtuanding A Si Caah Minister Pawl Rian Fakpi In Tuan Uh!

TCP-Hakha| 2019 January 21|ย Myanmar rampi ruahnak petu Daw Aung San Suu Kyi nih Hakha le Thantlang mizapi ton biaruahnak a ngeih lio hna ah rampi pakhat hi a uk in uk si lo in a riantu phorhtuan ding a si. Cheukhat nihcun ukding lawng hi an ruah. A taktak ahcun a rian tuanding asiloah ram rian phorh ding tu khi a si tiah a chim.

Cu pin ah Rampi cozah riantuantu hna hi rampi rian an phorhtuan ding a si i rampi cung ah khingrihter ding a si lo timi nan hngalh ding ka duh. Cu bantuk in minister pawl nih fakdeuh le tamdeuh in ramrian hi phorhtuan uh. Acozah pawl tuanvo tlamtlinh ding ralrinnak ka pek zungzal hna. Mizapi zong nih nan tuanvo tlamtlinh ve uh ti zong a chimchih.

Hakha le Thantlang i zapi he ton biaruahnak ah ngakchia kha leng ah an chuahter dih hna. Cucu, Daw Aung San Suu Kyi nih a theih tikah inn chung ah a luhter hna lawng si lo in hmai bik ah a thutter hna. Acozah riantuantu paoh nih ngakchia hna hmailei kong nan philh lo ding le ngakchia hna caah rian nan tuanding forhfial kan duh hna tiah a chim.

โ€œNgakchia hna i cozah phu hmai ah chiah hi a tha tuk hringhran. Cu lawng ah cozah phu hna nih anmah rian le tuanvo zeidah a si timi fiangte in an hmuh khawh ding ka duh. Acozah pakhat i tuanvo timi cu rampi hmailei ca kong tuaktaan le ruahpiak hi a si. Felfaite in hmailei thanchonak ding tuan timi cu zungzal ca in zoh le tuah a hau. Nihin caah a si lo, kumnga caah a si lo. Hmailei thimnak caah a si lo. Hmailei chankhat hnu chankhat caah kanmah nih ruah cikcek hnu ah tuahtuan a herhโ€ tiah a chim.

Na ruahning rak langhter ve.. (Leave a comment)

%d bloggers like this: