Sweden Ram Chinmi CDM Ca Cawlcanghnak

0
TCP-Sweden| 2021 March 4| Sweden ram khuasa Chinmi zong CDM cawlcanghnak ca ah pumpak, chungkhar le khrihfabu tiin phaisa thazaang chuah cio in Chin Community in Sweden (CCS) nih rian khinh in a tawlrel cuahmah lio a si.

 
– Kan miphun le kan ram zalonnak ca ah le a tling mi federal ram sersiamnak ca ah sining vialte le nun nak tiang thap ngam in, lam zawh in duhlonak a langhter mi le CDM cawlcanghnak ah a lamkip in aa tel mi hna upatnak kan in pek hna. Sweden ram khuasa, Chin community chungtel vialte zong nih nan caah thlacamnak le suingun chawva in kan in dirkamh hna. Lung dong lo tein thazaang rak chuah chin ko uh, Pu Ṭial Kham Zathang, CCS president.
 
Ruth Van Nun Par (11) cu a nu le a pa nih thlakhat ca i a hman ding an ṭhenhmi phaisa, amah ca ah hmang siang loin, a zapi tein CDM ca ah a hlut. Sweden ah hin Chinmi minung 350 fai khua an sa i CDM cawlcanghnak ah mah le ti khawh tawk cio, ngakchia in upa tiang ṭan an rak la cuahmah ve.

About The Author

Na ruahning rak langhter ve.. (Leave a comment)

%d bloggers like this: