Syria Ralzaam Minung 113 Lebanon Ralkap Nih An Tlaih Hna

0

The Chinland Post| 2018 November 1| Lebanon ramchung ah phungninglo in luh aa timmi Syria ralzaam minung 113 cu Marjeyoun ramkulh Adayse khua October 31 ah Lebanon ralkap nih an tlaih hna tiah ramchung media nih an thanh.

National News Agency thanhning ah chuekhat ralzaam cu phunglutmi catlap ngei lo in le an ngeihmi catlap date out bu in Lebanon ramchung ah khua an sa tiah theih a si.

Lebanon ram nih Syria ralzaam hi minung 976,000 a cohlan hna tiah UN ralzaam lei kongkau zungpi nih an thanh nain ramchung i Syria ralzaam milu taktak hi 1.5 nuai an si lai tiah Lebanon cozah nih an ruahdamh.

Lebanon cozah nih Syria ralzaam hna cu anmah umnak ram a simi Syria ram ah kirnak nawl pek ding in August thla ah biakhiahnak a tuah cang.

Lebanon ram ah phungninglo in khua a sami Syria rammi nih tangka liam in an ram an kir khawhnak kong le hmailei ah Lebanon ram phungningte in luh khawhnak lam zong onh an si lai tiah theih a si. Asinain tangka liam (dantat) an al ahcun Lebanon ram ah a zungzal in luhnak nawl pek an si ti lai lo, kham an si peng cang lai tiah theih a si.
Ref: Xinhua News

About The Author

Na ruahning rak langhter ve.. (Leave a comment)

%d bloggers like this: