Taanghra Camipuai Phitnak Card February 15 In Lak Khawh A Si Cang

0

Salai Cung Cung |2019 February 11| March thla ah tuah dingmi taanghra camipuai phitnak card cu February 15 in laak khawh a si cang tiah Kawlram cacheknak zungpi nih thawng an thanh.

Cozah sianginn le private sianginn ah a kaimi siangngakchia pawl cu mah le sianginn principle sin ah card lak khawh a si. Cun a lenglei in a phimi hna cu mah le phitnak ding cachek zung uktu pawl sin ah lak khawh a si tiah an thanhchih.

Siangngakchia nih card laknak lei harnak a um sual ah cun tuanvo ngeitu sianguk, peng fimcawnnak zunguktu tibantuk nih kawlram cacheknak zung ah dengteo in hal le chawnh khawh a si tiah thawng an thanh.

2019 kum tanghra camipuai timetable

Taanghra camipuai cu March 6 in 15 tiang suimilam 9:00am- 12:00pm tiang suimilam pathum chung an tuah lai. Camipuai an phit dingmi nicaan le subject hna cu;

March 6 ah Myanmar, March 7 ah English, March 8 ah Mathematics, March 9 ah Optional of Myanmar an phi lai i March 10 ni cu an i din lai. March 11 ah Chemistry, March 12 ah Physics, March 13 ah Biology/Ecology, March 14 ah Geography, March 15 ah History an phi lai.

About The Author

Na ruahning rak langhter ve.. (Leave a comment)

%d bloggers like this: