TABC Ramchung Hruaitu Thar Thimnak Le Riantuantu Thlahlawh Kaiternak An Ngei Kho

0

Salai Elvis| 2019 February 24| Thantlang peng Thangzang thar ah tuahmi avoi 46nak Thantlang Association of Baptist Churches (TABC) BM meeting le khawmpi ah TABC ramchung hruaitu thar thimnak le riantuantu thlahlawh kaiternak zong an ngei kho tiah kan theih.

Tutan ah hruaitu thar thimmi hna cu; President Dr. Lal Uk, Vice President-I Rev. Dr. Sang Cung Uk, Vice President-II Rev. Vai Mawng, General Secretary (GS) Rev. Dr. Tawk Lian Bawi, Associate General Secretary (AGS) Rev. Dr. Cung Bik, Ngunkeng Pu Veng Kam, a bawmtu Pu Ni Uk, Department cio ah Women Secretary Pastor Mang Zi, E&M Rev. Phir Tling, CE Secretary Pastor Deniel, Literature & Youth Department Pastor Ca Cung Bik le PCH ngaktah zohkhenhtu Rev. Van Neih Cung an si.

Hi Department chungah aa thlengmi minung pali an si i Women Secretary, CE Secretary, Literature & Youth Department le PCH an si. Tutan BM meeting ah TABC zung riantuan thlahlawh zong an karh hna i GS (440,000), AGS (420,000) le Department cio cu aa ruang tein (410,000) an kaiter hna. A cunglei TABC hruaitu thar hna nih 2021 kum dih tiang an hruai hna lai tiah kan theih.

TABC ramchung ah Pastor 88 tluk an um i Local Church 4 le Area 6 an um. Khrihfabu 52 an um i tipil member (8483) renglo le tipil lo (14987) renglo an um.  TABC Khrihfabu chungtel minung 18074 renglo an um tiah 2018 kum a voi 45nak TABC khawmpi General Secretary (GS) report pek mi cazin ningin kan theih.

About The Author

Na ruahning rak langhter ve.. (Leave a comment)

%d bloggers like this: