TABC Ramchung Pastor Le Church Chairman Hna Nih Rev Biak Kam Upat Peknak An Tuah Piak

TCP-Thantlang|2019 October 14| TABC zungah GS a raktuan hmasa bik mi Rev Biak Kam cu TABC ramchung Pastor hna le Church Chairman hna nih October 12 ni ah upat peknak le thlacam piaknak an tuah piak tiah kan theih.

Tutan TABC Bible Conference lio cawnnak dih hnu ah a tu bantuk in upat pek thlacamnak an ngeih hi a si.

Rev Biak Kam cu Thantlang Baptist Church ah caan tling riantuan hnu ah pension lak tiang zumhtlak tein rian a tuan mi a si pin ah TABC General Secratery (GS) zong (1974-1977) kum tiang caan tling in a tuan mi a si. A mah cu TABC ramchung ah zumhnak lei ah kan pa pakhat a sinak, Tutan ah upat lei zong a hun panh cang i kum 84 a si cang, a si nain Bawipa thawng in nungdam tein an kan umpi khawh rih caah Pathian kan thangthat.”tiah TABC ramchung Pastor pakhat nih a chim. +