Takpum Chung ah Kut Tawngh A That Lonak Zawn

0

Chin Digest Vol 2/No.3| Minung kan takpum chung ahhin tongh awk thatlonak tete an um, cucu hna cu;

Hnakhaw
Na hnakhaw chung kha na kut in na purh/sawh ahcun na hnazang le na taksa a nemmi (vun) kha a rawk kho. Na hna a thah sual ahcun hna-ek coihnak lachon a nemmi tein din tein tuai ko. Asiloah a fah ahcun siibawi sin ah i piah hngap law a tha.

Hmai
Na hmai naa phiah caan le pakhatkhat na thuh caan dah ti lo, na hmai kha tawngh tuk lo ah a tha. Kut nih zei paoh te a tawngh caah hmaivun ah zawtnak a chuahpi khotu bacteria rungrul a umter khawh.

Tawk (Ass)
Zunput na kal caan dah ti lo caan dang ahcun na kut in nangmah tawk si seh, mi tawk zong muaitam piak lo ah a tha. A ruang cu na tol zawn (anus) he aa naih tuk tik ah zawtnak a chuahpi khotu rungrul a um. Tol ah zunpi in a chuakmi bacteria rungrul tampi a um i, kut in pawpi le ril kha harsatnak a pek khawh. Zunput na chuah tik paoh ah na kut kha satpiat in thiang tein na tawl ah a tha.

Mit
Mit lei thiamsang pawl nih atu le tu an chim lengmang mi cu na mit tawng hlah, hnuai hlah ti a si. Kut ah a taangmi mithmuh khawh lo rungrul nih mit caah zawtnak a chuahter khawh.

Kaa chung (mouth)
Kuttin seh hi hman lo ah a tha. Thathuut ruang le lungthin cawlcangh ahkhin mi cheukhat cu kuttin seh hman a si tawn. Cu tikah pum chung i a lutmi zawtnak rungrul cheu li cheu thum cu kut in dang (leidang) ah a phan tiah Siilei Journal pakhat nih a thanh.

Hnar Kua
Hnarkua ah kutdong sawh a hmangmi le hnapkhir khoih hman ahcun pum chung ah rungrul a lut kho. Khi bantuk na hman tuk ahcun fawi tuk in cumpi nih tlunh khawhmi si a fawite.

Kuttin chung i takvun
Zeiruang ah dah tawngh lo ding a si ti ahcun kuttin kar ah hnawmtaam a um theo. Mit in hmuh khawhmi a um bantuk in mit hmuh khawh lomi zong tampi a um caah kuttin kha tawi tein riam i thiang tein tuah ah a tha bik.

About The Author

Na ruahning rak langhter ve.. (Leave a comment)

%d bloggers like this: