Tanghra Camipuai Chung Kutkhih Suimillam Ken An Khamh
TCP-Thantlang|2019 February 26| Tukum tanghra camipuai a phi dingmi nih akhan chungah kutkhih suimilam ken an phih caah caan theih khawhnak ding pangtar sumilam tu khankhat pakhat cio an chiahpiak hna lai tiah kan theih.
An suimilam chungah a thlithup thil le Internet he aa pehtlai mi thil, suimilam chungah aa tel mi Camera in hmanthlak i caan dih hlan ah a lenglei ah phozar, Internet hmang in a lenglei mi he i pehtlaihnak tibantuk a um sualnak hnga lo a tu bantuk in an khamnak cu a si.
“A tu chan cu fimthiamnak lei a santuk tikah Kawl rampi huap in camipuai akhan hngaktu saya/ma hna zong nih siangngakchia an suimilam chungah a thithup thilri a um le um lo an theih khawh lai lo caah le siangngakchia zong nih an theih lo i an kutkhih suimilam an i ken sual ah cun caan karlak khan chung an luh lai ah kan chuh hna lai i kan kenpiak chung hna lai” Dr. Thein Yan nih a chim.
Siangngakchia hna nih a caan an theih khawhnak hnga khankhat pakhat cio ah pangtar mi suimilam chiahpiak ding le Kawlram suimilam le a caan ning tein chiahpiak cia ding zong ca checknak zungpi Director nih a chimh hna.
A lenglei in pehtlaihnak tuah khawh si mi (Smart Phone/Watch/ Ballpen/Glasses,Bluetooth etc..) hna camipuai khan chungah an i ken sual ah cun kum rikhiah um lo tiangin tanghra camipuai phit khawh a si ti lai lo tiah zulhphung chungah aa tel. 2019 kum tanghra camipuai cu March 6 in 15 tiang an phi lai tiah kan theih.
Ref: 7daynewsjournal
