Taninthary Peng Ni 5 Chung Kahdohnak Ah SAC Ralkap 5 An Thi
The Chinland Post | 2023 June 21 — Taninthary peng, Tamihla khuate pawng ah a rak lut mi SAC ralkap pawl an kah hna i sii lei ralbawi 1 telh in 5 an thi tiah Batmaleik Guerrilla phu – Taninthary nih a thanh.
June 16 ah Taninthary peng, LIB 558 chung in SAC ralkap 60 hrawng nih Bankyauk khua mipi inn pawl an khangh hnu June 17 ah Tamihla khua ah hriamngan kah bu in an luh caah khua lulei le kua tawlei ah voi tampi kahdohnak a chuak tiah theih a si.
Kahdohnak chung ah sii lei ralbawi telh in 5 nak tlawm lo an thi tiah an langhter.
Kahdohnak chung ah, SAC ralkap hriamngan ruang ah mipi 4 fak ngai in an i hliam i inn 3 nak tlawm lo a rawk. Mipi 3 zong lam hmuhsaktu caah an tlaih hna i an tlau, PDF 1 zong fak tuk lo in aa hliam tiah theih a si.
Kahdohnak chung ah KTLA tcjf, Batmaleik Guerrilla phu, SWDF, Myeik PDF, Myeik pengkomh B02, Dawpunggyi phu hna fonh in kahdohnak an tuah tiah theih a si.
