Tanintharyi Chief Minister Hlun Dr. Lae Lae Maw Hluttaw Palai A Si Rih

TCP-Thantlang| 2019 March 28| Eihmuarnak kongah tlaihmi Tanintharyi Chief Minister hlun  Dr. Lae Lae Maw cu ramthen Hluttaw palai dirhmun  a si rihnak kong ramthen Hluttaw zung Director chang U Myint Way nih a chim.

Dr. Lae Lae Maw cu ramthen Chief Minister rian in dinhter a si ni thok khan upadi ning in ramthen Hluttaw palai dirhmun in a  um lio a si. Asinain, cu Hluttaw palai cu ahmuh (case) he a um lio fawn. Cucaah Hluttaw meeting a kai khawh lo nak a si i a baumi cazin ah chiah chung a si nak kong, Hluttaw palai in chuah a si lai maw, lai lo timi kongah a tulio ahmuh (case) nih lai a rel lai. Cu i eihmurnak a um tak maw timi kongah biaceih zung nih bia  a chah te lai. Cu bantuk in thlahlawh zong pek a si lai lo, hi bantuk cu voikhat hmanh ka tong in ka hngal bal fawn lo” tiah U Myint Way nih cun a chim.

March 22 in 26 tiang ramthen Hluttaw tonpumhnak hmun ah Dr. Lae Lae Maw cu a kai kho lo i Hluttaw palai minung 28 chungah Dr. Lae Lae Maw cu ahmuh (case) a ton lio a si tiah Hluttaw Speaker nih a thanh.

Dr. Lae Lae Maw cu le GGS Company tuanvo ngeitu 3 cu March 25 ni ah avoi khatnak biaceih zungah chuah pi an si tiah kan theih.

Ref: The Voice

Na ruahning rak langhter ve.. (Leave a comment)

%d bloggers like this: