Tank 2 telh in SAC Ralkap mawṭaw 80 cu Mindat-Matupi lamcung mengtung (23) an phan
The Chinland Post | 2022 March 27 – March 23 ah Mindat khua in a rak chuakmi SAC Raldohnak tank 2 le mawṭaw 80 leng cu March 27 zaanlei ah Mindat-Matupi lamcung mengtung 23 ah an phan tiah CDF-Mindat Brigadier General nih The Mindat Post ah a chim.
“Zaanlei hrawng ah mengtung 23 an phan. Tu zaanlei cu kaphnih kar kahdohnak a um rih lo. Anmah lei nih bom kan hmanhmi an i lamh sual rua. Pehzulh in kahdohnak a chuak kho men. Thil sining hi a fiang in chim khawh a si rih lo. Phone line zong a tlau dih kho men. A biapi cu, mipi hna nih Mindat-Matupi lamcung zawh rih loding le lampi he aa hlatnak ah umding” tiah CDF-Mindat Brigadier General nih a chim.
SAC ralkap pawl hi Mindat-Matupi lam lei, Paletwa hna ah thazang chapding, hriamnam bawmhding le eidin chanding ah an hman i CDF-Mindat he kahdohnak a fak tawn.
Ref: The Mindat Post
