Tank 2 telh in SAC ralkap mawṭaw 80 leng Mindat ah an kai

The Chinland Post | 2022 March 23 – SAC ralkap tank 2 telh in mawṭaw 80 leng cu March 23 zinglei ah Magway ramṭhen, Kyaukhtoo khua in Chin ramkulh, Mindat lei ah an rak kai tiah thawng theih a si.

A tu raami mawṭaw thluan hi Mindat le Matupi ah a ummi SAC ralkap pawl eidin chan ding le ralkap i thlen ding ah a raami an si lai CDF sin in theih a si.

March 19 thok in Mindat-Matupi lamcung zulh lo ding le zulh a si ruangah a rawkmi a um ahcun kan in tawlrel piak hna lai lo tiah CDF-Mindat nih a thanh.

SAC ralkap mawṭaw tluan hi Mindat-Matupi lam cung in 2021 August thla ah voikhat, 2022 February thla ah voikhat an zawh caah CDF-Mindat le CDF-Matupi hna nih an kah hna caah ralkap a zaa leng an thi i vawlei cawhnak she telh in mawṭaw zong tampi a rak rawk tiah Khit Thit Media nih a langhter.

Na ruahning rak langhter ve.. (Leave a comment)

%d bloggers like this: