Taungphila Golf Chung Ah A Tlongmi Nungaktlangval Cu Khuabawi Hmaiah Thitumhnak An Tuahter Cang Lai
TCP-Online| 2018 July 20| Kalay khuachung Taungphila Golf chung ah a tlongmi nungaktlangval hmuh an si cun khuabawi hmaiah thitumhnak tuahpiak an si cang lai tiah Kalay peng palek zung lei nih thawng an thanh.
Hiti palek lei nih thawng an thanh cu July 8 ni khan an thanh cang i khuachung kip le Social Media hna zongah an langhter cang.
Taungphila Golf chungah hin nungaktlangval zoh dawh lo in a um mi an um pah lengmang caah tubantuk in pengkulh palek lei nih thawng an thanh an si i cubantuk nungaktlangval a tlong lengmi hmuh an si cun anmah le an khuabawi hmaiah nupa an sinak asiloah thitumnak tuah dingin min thut ter an si cang lai tiah palek lei nih cun an chim.
Nungaktlangval hmuhmi lawng si lo in zohdawh loin hawikom he thil thalo tuahmi zong upadi ning in taza cuai an si cang lai ti kan theih.
Kalay peng palek lei nih thawng an thanh ning ah cun tukum July 8 thok in Taungphila Golf chung i zohdawhlo deuh in a tlongmi hmuhmi paoh cu upadi ningin dantat le taza cuai an si cang lai tiah an thanh.
Ref: Kalay Media
About The Author
