Tayagone Khuami Bawi Tha Hlei Par Nih Malaysia CND 2019 Miss A Co

0

TCP-Hakha| 2019 February 15| Akum 71nak Malaysia Chin Miphun Ni (Chin National Day-CND) 2019 miss zuamnak ah Mai Bawi Tha Hlei Par nih miss winner a co tiah kan theih.

Hi kong he pehtlai in Malaysia khuahlum Tayagone khuami Cungte nih, “Malaysia ah tuahmi 2019 kum Chin Miphun Ni Miss zuamnak cu February 15 ah an tuah i Bawi Tha Hlei Par nih miss a ngah. Amah hi Hriphi khuami Pu Lian Vung le Vanha khuami Pi Zing Tlem fanu a si. Amah a tungkhan hi pe 5 le letmat 5 a sang, atu ah kum 17 lawng a si rih. Atu hi Semping WKC fashion mall ah rian a tuan. A chuahkehnak cu Sagaing ramthen, Kalay peng, Tayagone khua a si. 2012 kum ah an chungkhar zapi in Malaysia an phan.  Tutan hi miss aa zuamnak hi Tayagone khuami aiawh in a si” tiah The Chinland Post ah a chim.

Miss Bawi Tha Hlei Par nih laksawng a comi cu; Miss Luchin, tangka RM 1000 le a dangdang thilri an si. 2018 kum Malaysia Chin Miphun Ni Miss cu Rosy Ngun Tha Bor nih a rak ngah tiah kan theih.

Hika ah Miss Top 5 an i zuamnak video Chin Celebrity News nih a thlakmi zoh khawh a si.

Photo: Lai Mi Sak Sawmhal

About The Author

Na ruahning rak langhter ve.. (Leave a comment)

%d bloggers like this: